MR. EBBO AFARIKI DUNIA

Abel Rusheraa Motika, almaarufu – Mr Ebbo Enzi Za Uhai wake

MWIMBAJI nguli Tanzania aliyeibuka na staili ya bongofleva kwa ‘tune’ na staili ya Kimasai, Abel Rusheraa Motika, almaarufu – Mr Ebbo amefariki dunia.
Habari za uhakika zilizolifikia Blog Hii alfajiri ya leo zinaeleza kwa Mr. Ebbo alifariki kufuatia kusumbuliwa na ugonjwa wa Mshtuko Wa Moyo kwa muda mrefu. Amefariki akiwa nyumbani kwa familia yake, maeneo ya Usa River, Arusha.
Mwanamuziki huyo alifahamika zaidi kwa nyimbo zake zenye lafudhi ya Kimasai, ikiwamo – Mi Mmasai Bwana, Kamongo na nyingine nyingi zilizoteka uwanja wa muziki.
Pia alikuwa miongoni mwa wanamuziki walioinukia kwa kufanya ‘kolabo’ na wanamuziki wengine, hasa wanaotoka Mkoa wa Tanga wakiwamo; Wagozi wa Kaya.
Mipango ya mazishi inafanywa na familia yake na huenda akapumzishwa katika mashamba ya familia yake yaliyoko Usa River Mkoani Arusha .
Blog Hii  Inatoa pole kwa dunia ya mashabiki wa muziki, marafiki, watoto, ndugu jamaa na marafiki.

KILA NAFSI ITAONJA UMAUTI,  MUNGU AILAZE ROHO YAKE MALA PEMA PEPONI AMIN,